Thursday, September 25, 2014

കല്ല്യാണത്തിന്‌ എത്തിനോക്കിയ രംഗബോധമില്ലാത്ത കോമാളി



“പൂമുഖ വാതില്ക്കൽ സ്നേഹം വിടർത്തുന്ന പൂന്തിങ്കളാകുന്നു ഭാര്യ..” എന്ന പാട്ടും പാടി നവ്യാനായരൊന്നും ഇതുവരെ സ്വപ്നത്തിൽ വരാത്തതുകൊണ്ടാണോ എന്നറിയില്ല എന്റെ ഭാര്യാ സങ്കല്പം കുറച്ചു വ്യത്യസ്തമായിരുന്നു.
എന്റെ സങ്കല്പത്തിനനുസരിച്ചുള്ളവൾ തന്നെയെന്ന് ആരോ പറയുന്നതു പോലെ...വിശ്വാസം അതല്ലേ എല്ലാം..
അങ്ങിനെ കല്ല്യാണനിശ്ചയതിയതി തീരുമാനിച്ചു..
.അപ്പോൾ ഗുളികൻ നമ്പർ വൺ ചാടി വീണു..
ഓഫീസിൽ കുറച്ചു പ്രശനങ്ങൾ വേഗം വരണം...അങ്ങിനെ വിവാഹ നിശ്ചയത്തിൻ നില്ക്കാതെ തിരികെ യാത്രയായി..
ഒരു നല്ല സുഹൃത്തായിയി എന്റെ ജീവിതത്തിലെ നിർണ്ണായകഘട്ടത്തിൽ മാർഗ്ഗം നിർദ്ദേശം തന്ന്..വിഷമിക്കുമ്പോൾ സ്വാന്തനമായി എന്റെ ഭാര്യാ സങ്കല്പത്തിനു നിറമേകിയപ്പോൾ വിശ്വാസം വെറുതെയായില്ല എന്ന് തിരിച്ചറിഞ്ഞു.
അങ്ങിനെ ഒരു അവസരം തന്ന ഗുളികൻ നമ്പർ വണ്ണിനെ മനസ്സുകൊണ്ട് നന്ദി പറഞ്ഞു..

സത്യത്തിൽ പെണ്ണുകണ്ടപ്പോൾ ഇഷ്ടായി എന്നു പറയുമ്പോൾ തോനിയ ഇഷ്ടത്തിനു കാരണം ... വീട്ടുകാർ അവരുടെ പെരുമാറ്റം പിന്നെ ആ കണ്ണുകളിൽ ഞാൻ വായിച്ചെടുത്ത നിഷ്കളങ്കത എന്നിവയായിരിരുന്നു..എന്നാൽ കല്യ്യാണത്തിനോടടുക്കുന്ന ദിവസങ്ങളിലെ ഇഷ്ടത്തിനു കാരണം അതിനപ്പുറത്ത് പരസ്പരം മനസ്സിലാക്കുന്ന രണ്ടുമനസ്സുകളുടെ ഇഷ്ടമാണ്‌... എന്തായാലും ഗൂഗിളിനും ഗുളികനും നന്ദി..

കല്ല്യാണത്തിന്‌ അഞ്ചുദിവസം മുൻപാണ്‌ നാട്ടിലെത്തുന്നത് . എല്ലാ ഒരുക്കങ്ങളും കഴിഞ്ഞിരുന്നു... വീട്ടിൽ പന്തലിടുന്ന തിരക്കാണ്‌..
എല്ലാം കഴിഞ്ഞു കിടന്നിട്ടേ ഉള്ളൂ...
അപ്പോഴാണ്‌ കോളിങ്ങ് ബെല്ലടിച്ചത്..
വാതിൽ തുറന്നപ്പോൾ മാമൻ കരഞ്ഞു കൊണ്ട്
“ഭാരതി.. ഭാരതി.. ” എന്നു മാത്രം പറഞ്ഞു
ഞാൻ വേഗം ഓടി വടക്കേ വീടുതന്നെയാണ്‌ അമ്മായിയുടെ..മാറിൽ അടക്കി പിടിച്ച ഭഗവാന്റെ ഫോട്ടോയുമായി നിശ്ചലയായി കിടക്കുന്ന അമ്മായി.. ഡോക്ടർ വന്നു മരണം ഉറപ്പിച്ചു...

കല്ല്യാണം മാറ്റിവക്കേണ്ടിവരും എന്നു പറഞ്ഞ പഴയകാലത്തിനു മുകളിൽ പുതിയകാലത്തിന്റെ  പ്രായോഗിക നിർദ്ദേശം അംഗീകരിക്കപ്പെട്ടു...
ഗുരുവായൂരിലെ താലികെട്ട് ഒഴിച്ച് മറ്റു ചടങ്ങുകൾ നടത്തുക... പുലവാലായ്മകൾ കഴിഞ്ഞ് താലികെട്ടാം.വീട്ടിൽ നിന്ന് ഏതെങ്കിലും ഓഡിറ്റോറിയത്തിലേക്ക് മാറ്റാം...

നിശ്ചയിച്ചുറപ്പിച്ച തിയതിയിൽ കല്ല്യാണം നമ്പർ വൺ നടന്നു..
വീട്ടിലെ പന്തലിൽ അടിയന്തരവും..

പിന്നീട് മറ്റൊരു ദിവസത്തിൽ ഭഗവാന്റെ നടയിൽ കല്യാണം നമ്പർ ടു നടന്നു...

മരണത്തെ രംഗബോധമില്ലാത്തെ കോമാളി എന്ന് വിശേഷിപ്പിക്കുന്നത് എത്ര ശരി..


എണ്ണിയെണ്ണിക്കുറയുന്നിതായുസ്സും
മണ്ടിമണ്ടിക്കരേറുന്നു മോഹവും;
വന്നുവോണം കഴിഞ്ഞു വിഷുവെന്നും,
വന്നില്ലല്ലോ തിരുവാതിരയെന്നും,

കുംഭമാസത്തിലാകുന്നു നമ്മുടെ
ജന്മനക്ഷത്രമശ്വതിനാളെന്നും
ശ്രാദ്ധമുണ്ടഹോ വൃശ്‌ചികമാസത്തില്‍
സദ്യയൊന്നുമെളുതല്ലിനിയെന്നും;

ഉണ്ണിയുണ്ടായി വേള്‍പ്പിച്ചതിലൊരു
ഉണ്ണിയുണ്ടായിക്കണ്ടാവു ഞാനെന്നും;
കോണിക്കല്‍ത്തന്നെ വന്ന നിലമിനി-
ക്കാണമെന്നന്നെടുപ്പിക്കരുതെന്നും,
ഇത്‌ഥമോരോന്നു ചിന്തിച്ചിരിക്കവേ
ചത്തുപോകുന്നു പാവം ശിവ! ശിവ!

     ------  ജ്ഞാനപ്പാന ------




Friday, September 19, 2014

ഒരു പെണ്ണുകാണലിന്റെ ബാക്കി

“ചായകുടിച്ചത് ഓർമ്മയുണ്ട്,എന്നെ നോക്കി ചിരിച്ച ലഡുവും,ജിലേബിയും ഓർമ്മയുണ്ട്.. സംസാരിച്ചത് ഒർമ്മയുണ്ട്.. പക്ഷേ..”
“പിന്നെ എന്താ ഒരു പക്ഷേ...ചെക്കന്‌ എല്ലാം തമാശയാ.. എനിക്ക് ദേഷ്യം വരുന്നുണ്ട്ട്ടാ..” അമ്മ എഴുന്നേറ്റ് പോയി
ഇതെല്ലാം കേട്ട് നിന്നിരുന്ന അച്ഛാഛൻ അടുത്ത് വന്ന് ചോദിച്ചു.
“ഇപ്പോ ന്താ നിന്റെ പ്രശനം.. നീ പറഞ്ഞിട്ടല്ലേ വാക്കു കൊടുത്തത്.. പിന്നെ ഇങ്ങനെയൊക്കെ പറഞ്ഞാൽ..” അച്ഛാഛന്റെ സ്വരവും കടുത്തു തുടങ്ങി.
“അല്ല ഞാനെന്താ പറഞ്ഞേ.. എനിക്കാകുട്ടിയെ ഓർമ്മയില്ല.. ഒന്നു കൂടി കാണണം...”
“എത്ര നേരാ കുട്ടി നമ്മുടെ മുന്നിൽ നിന്നേ..പെണ്ണു കാണലാണെന്നു പോലും മറന്ന് സംസരല്ലായിരുന്നോ.. പിന്നെ ഇറങ്ങിയപ്പോ നീ പറഞ്ഞു ഇഷ്ടായീന്ന്.. ”
“അതു ശര്യാ സംസാരിച്ചത് മുഴുവൻ കുട്ടീടെ അച്ഛനോടും അമ്മയോടും അല്ലേ..കുട്ടീനെ നോക്കാൻ മറന്നു..ഒന്നു കൂടി കാണാതെ എങ്ങിനാ..”
പറയാൻ സമ്മതിക്കാതെ അമ്മ പറഞ്ഞു
“ഇത്ര ദിവസോം എന്ത് ചിന്തിച്ചിരിക്കാർന്നു..ഇവ്ട്ന്ന് അങ്ങ്ട് പോയി.. അവർ ഇങ്ങ്ട് വന്നു.. തീയതീം നോക്കി.. ഇനി ഞാനെങ്ങിനാ ചെക്കൻ കുട്ടീനെ കണ്ടില്ലാന്നു പറയാ..എന്റീശ്വരാ..”
“ഫോട്ടോ വാങ്ങിത്തരാം.. എന്ത്യേ..” അച്ഛാഛൻ ഒരു പരിഹാരം കണ്ടു
“അതു പറ്റില്ല്യാ.. എനിക്കു നേരിൽ കാണണം സംസാരിക്കൂം വേണം”
“കണ്ടിട്ട്.. ഇഷ്ടായില്ലെങ്കീ..” അമ്മ അടുത്തു വന്ന് ചോദിച്ചു..
“അയ്നാരാ ഇഷ്ടായില്ല്യാന്നു പറഞ്ഞേ.. നിക്ക് ഓർമ്മില്യാ.. അന്ന് സംസാരിച്ച്യൂല്യാ..അതാ ഒന്ന് കാണണം ന്ന് പറഞ്ഞേ..”
“അത്രേള്ളൂ... മനുഷ്യനെ തീ തീറ്റിച്ചല്ലോ ചെക്കൻ...”

അങ്ങിനെ രണ്ടുതവണ ഒരു പെണ്ണിനെ തന്നെ പെണ്ണുകാണാൻ പോയി..തിരിച്ചു വരും വഴി ആരോ പറഞ്ഞു
“അല്ലെടാ.. നീ ഇവളെ രണ്ടു തവണ കെട്ടോ..”

തമാശക്കായി പറയുന്നതാണെങ്കിലും ചിലസമയത്ത് നാവിൽ ഗുളികൻ ഇരിക്കും എന്നു പഴമക്കാർ പറയുന്നത് എത്ര ശരി.

നാവിലെ ഗുളികൻ പറ്റിച്ച പണി അടുത്ത് പോസ്റ്റിലാകാം..

Saturday, April 5, 2014

കൂട്

ആറ്റുനോറ്റവനൊരു കൂടുണ്ടാക്കി
കൂടില്ലാകൂട്ടുകാർ കൂടെയെത്തി
അവന്റെ കൂടവരുടേതായ് മാറി
അവരുടെ കൂട്ടിലവനൊറ്റക്കായി
അവരുടെ കൂട്‌വിട്ട് വീണ്ടും
മറ്റൊരുകൂടിനായ് യാത്രയായി